منتديـات دانـا



 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 من اجل الكويت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
aliaa.20
مشرفة
مشرفة
avatar

عدد الرسائل : 242
تاريخ التسجيل : 25/02/2008

مُساهمةموضوع: من اجل الكويت   الإثنين مارس 03, 2008 10:37 pm

((((الاضراب عن الاسواق الكويتيه انشر))))


السلام عليكم اخواني و خواتي الكويتين والكويتيات:




> > طبعاً اكيد ميتين من الحره على ديرتكم و اللي قاعد يصير فيها من مصخره و اللي
> > بلا شك يثبت الاستخفاف بعقولنا كلنا! يعني يوم يقولون بيزيدون المعاشات... باجر
> > الصبح زايدين الاسعار! مو المعاشات و المجلس ما سوى (وماراح يسوي) شي ... و كل
> > يوم اعلان بالجريده راح نزيد معاشات الشعب 40% و الأسعار تزيد 40% بقدرة
> > قادر!!!يانيين و ميننينا وياهم! حتى ستاربكس و اللي اهو شبه المتنفس الوحيد
> > حقنا صارت اسعاره فوق... و كافيه كوستا اللي يلوع الجبد زاد اسعاره علينا اللي
> > الكيكه البايته مالته كانت ب 900 فلس الحين مو اقل من دينار و 450 فلس و
> > الجمعيه فضت ما فيها شي صارت جنها فرع و كل شي فيها غالي! قبل 10 دنانير تسوي
> > شغل بالجمعيه الحين صارت جنها دينار... و ايام قبل كرتون الطماط كان 480 فلس
> > الحين صار كيلو الطماط يعادل كيلو الذهب و الكرتون صار ينباع بدينار و 680 فلس
> >
> > تركوا الطماط و الكافيهات... السوق صار اييب اليهد! ما فيه هدوم مثل الاوادم
> > ولبس الشباب صار يفشل و يضحك من محلات الهنود اللي فاتحينهم بالأفنيوز مثل توب
> > كات و غيرهم لا و فوق شينهم قواة عينهم اسعار ناااااار صلخ جنه اللي مصمم
> > الفانيله تيري موجلر ما جنها ميد ان اندونيسيا! فعلاً شي يفشل... المهم هالحجي
> > هذا كله مو ياي من عدم و اكيد انتوا ملاحظين اللي قاعد يصير فأنا عندي اقتراح و
> > ياليت تسمعوني: ليش ما نسوي اضراب؟
> >
> > لا مو اضراب عن الطعام قصدي اضراب عن السوق و الكافيهات و المطاعم! الحين
> > واحد يقول 'يعني وقفت علي؟' اي حبيبي وقفت عليك!!! يعني انت تروح مطعم من مطاعم
> > البحر ما تقط اقل من 15 دينار تخيل لو انت و 3 من ربعك ما رحتوا المطعم هذا...
> > جم راح يخسر؟ 60 دينار! و اذا انتي يا اختي ما رحتي تشترين هدوم من مانغو ب 30
> > او 40 دينار و رفيجتج ما راحت زارا و شرت ب 20 دينار؟ شراح يصير بالسوق؟ تخيلوا
> > الكويتين كلهم او اغلبهم يقعدون ببيوتهم ويك اند (يعني عطلة نهاية الاسبوع لا
> > يقولون هذا يتفلسف) ويتغدون اموش يتعشون معكرونيه بالبيت بس ويك اند واحد
> > اشراح يصير بالديره؟! ترى احنا مو شويه ما بقى شي و نصك ال1000000 نسمه مشالله
> > لا اله الا الله يعني فعلا نقدر نغير اللي قاعد يصير و بيدنا نغير ديرتنا و
> > نسنع الهوامير الحراميه اللي ما خافوا ربهم فينا... اذا محد قادر يسوي شي لازم
> > احنا ندافع عن حقوقنا لأنه الاحوال قاعده تصير من سيء الى اسوء ولازم نوقف مع
> > بعض كلنا و نحمر العين. التاريخ المقترح حق هالخطه اهو الخميس السادس من مارس
> > 2008 و قلت اعطي الايميل شهر ينتشر بالكويت و انشالله اييب نتيجه و ينقذنا من
> > اللي قاعد يصير والله يخليكم تبلغون اهاليكم اللي ما عندهم ايميل و توعون
> > اخوانكم و خواتكم الصغار و الكبار عشان نقدر نغير اللي قاعد يصير كلنا نتعاون
> > لأنه ايد وحده ما تصفق و عساكم على القوه نبدي حملتنا تحت شعار 'الله يديم
> > الرخص' و نسمع الكل و الجميع و اللي عنده افكار زياده يليت يشاركني فيها على



الإضراب عن الأسواق
تاريخ: 6/3/2008
الشعار:الله يديم الرخص
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملهمه
عضو فعال
عضو فعال
avatar

انثى عدد الرسائل : 144
تاريخ التسجيل : 03/03/2008

مُساهمةموضوع: رد: من اجل الكويت   الأربعاء مارس 05, 2008 4:39 pm

شوفي يا اخت علياء الموضوع من ناحيه ايجابيه

مع زياده الاسعار بيزيد سعر الهروين و الماريجوانا والويسكي والبلاك ليبل و الفودكا و((((الزقاير)))

ويقلل الناس شربها وشمها وشفطها بالكويت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nseetk
مشرف
مشرف
avatar

ذكر عدد الرسائل : 672
البلد : انا كويتي انا
تاريخ التسجيل : 25/02/2008

مُساهمةموضوع: رد: من اجل الكويت   الأربعاء مارس 05, 2008 5:16 pm

اي والله الموضوع فيه ايجابيت



وكل مازاد السعر قلو البنات بالديره لأنه اكثر البنات بدون مكياج سحوت


واكثرهم ماشاء الله يخافون على نفسيات الناس فينتحرون



واللي ماتنتحر راح تبقى (((( عبده ))))


ومشكوره .....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غلاديس
المدير العام
المدير العام
avatar

انثى عدد الرسائل : 798
البلد : الكويت
رقم العضوية : 3
تاريخ التسجيل : 25/02/2008

مُساهمةموضوع: رد: من اجل الكويت   الأربعاء مارس 05, 2008 10:57 pm

موضوع حلو




لكن وين اللي يطبقه ....





تحياتي لج يا علياء و شاكرة لج جهودك الطيبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من اجل الكويت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـات دانـا :: المنتديات العامة :: منتدى الوطــن-
انتقل الى: